'முடிந்த பொழுது....'

மிச்சம்

வீட்டை பாகம் போட்டு
பிரித்துக் கொடுத்தவருக்கு

கடைசியில் கிடைத்தது

வீட்டுத் திண்ணையில் வாசம்.

<><><><><><><><><><><><><><><><><><><><>

நீக்கமற

கோவிலில் பார்த்தேன்

கடையில் பார்த்தேன்

வீட்டினுள் பார்த்தேன்

சாம்பிராணி புகை.

<><><><><><><><><><><><><><><><><><><><>

'முடிந்த பொழுது....'

அப்பா சொன்னார்.

அம்மா சொன்னாள்.

அக்கா தங்கச்சிகளும்:

' இப்போவாச்சும்

பண்ணிக்கோயேன்! '

நான் சொன்னேன்:
எல்லார் கல்யாணத்தையும்

பண்ணி வச்ச எனக்கு

நானும் பண்ணிண்ட மாதிரி

ஒரு திருப்தி.

இப்படியே இருந்துடறேனே

இனியுள்ள நாட்களும்!

--ரேகா ராகவன்.

நமது காலுக்கடியில் பாறை எது? மணல் எது என்பதை உணர்த்துபவை பிரச்சினைகள்.

<><><><><><><><><><><><><><><><><><><><><>